काठमाडौँ । प्रतिनिधिसभाका उपसभामुखमा नेकपा एमाले का शिवमाया तुम्बाहाम्फे अत्यधिक मत प्राप्त गरी निर्वाचित भएकी छिन्।
प्रतिनिधिसभा आजको बैठकमा भएको उपसभामुख पदको निर्वाचनमा उनलाई २०१ मत प्राप्त भएको थियो । उनकी प्रतिष्पर्धी नेपाली काँग्रेसकी पुष्पा भुसाल गौतमको पक्षमा ५८ मत परेको थियो । निर्वाचनमा २५९ सासदले भाग लिएका थिए ।
बैठकमा सभामुख कृष्णबहादुर महराले तुम्बाहाम्फेको पक्षमा परेको मत प्रतिनिधिसभामा उपस्थित संख्याको बहुमत भएकाले उहाँ निर्वाचित भएको जानकारी दिँदै सफल कार्यकालका लागि बधाई ज्ञापन गरेका थिए ।
२०७४ चैत २ गते प्रकाशित
वि.सं.२०७४ चैत २ शुक्रवार १७:२४ मा प्रकाशित