काठमाडौ । नेपाल स्टक एक्सचेन्ज नेप्सेमा आएको लगातारको गिरावटले बजार परिसूचक १२ सयकै हाराहारीमा आइपुगेको छ । साताको कारोबारको पहिलो दिन सेयर बजार परिसूचक नेप्से १०.६३ अंकले ओरालो लाग्दै १२२०.४४ अंकमा पुगेकाे छ ।
कारोबारमा आएका सबै समुहमा रेडलाइट बल्दा जम्मा टर्नओभर ४४ करोड १६ लाख ४४ हजार ८ सय २६ रुपैँया रहेको बजारमा १ सय ५८ कम्पनीको १० लाख ८८ हजार १ सय ५७ कित्ता सेयर कारोबार भएको छ ।
आजको बजारमा क वर्गको कम्पनीको कारोबार मापन गर्ने सेन्सेटिभ इन्डेक्स १.९९ अंकले घट्दा समग्र बजारको अवस्था मापन गर्ने फ्लोट इन्डेक्स ०.६३ अंकले घटेको छ । कारोबारमा आएका मध्य सबैभन्दा बढी बीमा समूह १२०.७ अंकले झरेको छ भने सबैभन्दा कम वित्त ०.८ अंकले झरेको छ ।
अन्य समूह ५.२७ अंकले घट्दा माइक्रोफाईनान्स १९.२५ अंकले ओरालो लागेको छ । उत्पादनमुलक क्षेत्र ३३.०६ अंकले ओरालो लाग्दा हाइड्रोपावर २५.२४ अंकले झरेको छ ।
विकास बैङ्क १०.७९ अंकको गिरावटमा रहँदा होटेल समुह ५९.४५ अंकले ओरालो झरेको छ । बैङ्किङ समुहमा १९ करोड ४२ लाख ७ हजारको कारोबार हुँदा ३.९६ अंकले सूचक घटेको छ ।
२०७४ चैत ११ गते प्रकाशित ।
वि.सं.२०७४ चैत ११ आइतवार २१:११ मा प्रकाशित
