काठमाडौं । कुमारी बैंकले २० प्रतिशत हकप्रद सेयर बिक्री गर्ने भएको छ । धितोपत्र बोर्डले कुमारीलाई १०ः२ अनुपातमा १ करोड १९ लाख ३८ हजार ९९१.६५ कित्ता हकप्रद सेयर जारी गर्न स्वीकृति दिएको हो । यसमा बिक्री प्रबन्धकको काम एनआइबीएल एस क्यापिटलले गर्नेछ ।
हाल कुमारीको चुक्ता पुँजी ५ अर्ब ९६ करोड ९४ लाख ९६ हजार रुपैयाँ छ । २०प्रतिशत हकप्रद बिक्रीपछि चुक्ता पुँजी ७ अर्ब १६ करोड ३३ लाख ९५ हजार १६५ रुपैयाँ पुग्नेछ । ८ अर्ब रुपैयाँ चुक्ता पुँजी पुर्याउन नपुग रकम कुमारीले बाँकी बोनस सेयर दिन सक्नेछ ।
कुमारी बैंकले चालु आर्थिक वर्षको दोस्रो त्रैमासमा ४८ करोड २ लाख ६ हजार रुपैयाँ खुद नाफा गरेको छ । प्रतिसेयर आम्दानी १६ रुपैयाँ ९ पैसा रहेको यस बैंकको प्रतिसेयर नेटवर्थ १४३ रुपैयाँ ४० पैसा छ ।
२०७४ चैत २० गते प्रकाशित
वि.सं.२०७४ चैत २० मंगलवार १०:५१ मा प्रकाशित
