काठमाडौं । नेपाल सेवा लघुवित्त को आईपिओ आइबार बाँडफाँड भएको छ । लघुवित्तको सेयर गोलाप्रथाबाट १६ हजार ७४० जना आवेदकलाई बाँडफाँड गरिएको छ । लघुवित्तको सेयर विक्री प्रबन्धक एनएमबि क्यापिटलको कार्यालयमा सेयर बाँडफाँड भएको हो ।
लघुवित्तले वैशाख १२ गतेदेखि एक सय रुपैयाँ अंकित दरको एक करोड ८० लाख रुपैयाँ बराबरको एक लाख ८० हजार कित्ता आइपिओ जारी गरेको थियो । जसमध्ये ३ हजार ६ सय कित्ता सेयर संस्थाका कर्मचारीका लागि र ९ हजार कित्ता सेयर सामूहिक लगानी कोषहरुका लागि छुट्याइएको छ । बाँकी एक लाख ६७ हजार ४ सय कित्ता सेयर सर्वसाधारणका लागि बाँडफाँड गरिएको हो ।
लघुवित्तले जारी पूँजीको ३० प्रतिशत आइपिओ सर्वसाधारणका लागि बिक्री खुला गरेको हो । संस्थापकबाट शतप्रतिशत हकप्रद जारी गरि ४ करोड २० लाख रुपैयाँ चुक्ता पूँजी बनाएको लघुवित्तले सर्वसाधारणलाई एक करोड ८० लाख रुपैयाँको साधारण सेयर निष्काशन पश्चात चुक्ता पूँजी ६ करोड रुपैयाँ पुगेको छ ।
२०७५ बैशाख २३ गते प्रकाशित
वि.सं.२०७५ वैशाख २३ आइतवार ११:४१ मा प्रकाशित