नुवाकोट । प्रदेश नंबर ३ का मुख्यमन्त्री डोरमणी पौडेलले आज नुवाकोटको पर्यटकीय क्षेत्र ककनीको अवलोकन गरेका छन् । काठमाण्डौँबाट निकै नजिक रहेको ककनीमा पर्यटनको लागि निकै ठुलो संभावना भएको भएपनि हालसम्म खासै उपलब्धीमुलक काम नभएको गुनासो आएपछि मुख्यमन्त्री ककनी पुगेका हुन् ।
नुवाकोटको ककनी गाँउपालिकामा पर्ने ककनीमा पुगेर अवलोकन गरेपछि मुख्यमन्त्री डोरमणी पौडेलले ककनीलाई पर्यटनको हब बनाउनको लागि प्रदेश सरकारले आवश्यक सहयोग गर्ने बताए । देशको राजधानीबाट निकै नजिक रहेको पर्यटकीय उच्च संभावना बोकेको क्षेत्रको विकासको लागि प्रदेश सरकारले विशेष योजना बनाएर अघि बढने मुख्यमन्त्री पौडेलको भनाई रहेको छ ।
प्रदेश नंबर ३ को लागि पर्यटन महत्वपूर्ण क्षेत्र रहेको भन्दै मुख्यमन्त्री पौडेलले प्रदेश सरकारले पर्यटनलाई विशेष प्राथमिकतामा राखेको बताए । अझ राजधनीबाट नजिकै रहेको यो क्षेत्र सबै हिसावले पर्यटकको लागि उपयुक्त रोजाई हुने आफुले जानकारी पाएको भन्दै उनले ककनीको विषमा प्रदेश सरकारले महत्व दिने समेत बताए ।
अबलोकनको क्रममा गाउँपालिका अध्यक्ष मानबहादुर लामाले ककनी विकासको संभावना र यहाको आवश्यक्ता र समस्याहरुको विषयमा मुख्यमन्त्री पौडेललाई जानकारी दिएका थिए । उनले प्रदेश सरकारले महत्वको साथमा हेरे यो क्षेत्र देशकै महत्वपूर्ण पर्यटकीय क्षेत्र हुने समेत बताए ।
२०७५ बैशाख २९ गते प्रकाशित
वि.सं.२०७५ वैशाख २९ शनिवार १६:५२ मा प्रकाशित