काठमाडौं । एक महिना अघि १ अमेरिकी डलर खरिद गर्न एक सय १९ रुपैयाँसम्म तिर्नु पर्ने हुन्थ्यो । तर, आज आइतबार त्यही १ डलर खरिद गर्न करिव एक सय १३ रुपैयाँ लाग्ने भएको छ ।
नेपाल राष्ट्र बैंकले आज (आइतबार)का लागि एक अमेरिकी डलर बिक्री गर्न एक सय १३ रुपैयाँ ३८ पैसा तोकेको छ । यस हिसावले १ डलर खरिद गर्न एक सय १३ रुपैयाँ ३८ पैसा तिर्नु पर्ने हुन्छ । कसैले बिक्री गर्दा भने १ सय १२ रुपैयाँ ७८ पैसा मात्र पाउने छ ।
अमेरिकी अर्थतन्त्र केही खस्केपछि डलरको भाउ घटेको विज्ञहरुको भनाइ छ ।
पछिल्ला दिनमा अमेरिकी डलरको तुलनामा भारतीय मुद्रा बलियो भएको छ । नेपाली र भारतीय रुपैयाँबीच स्थिर विनिमय दर रहेकाले भारुमा आएको उतारचढावको सिधा प्रभाव नेपालको विनिमय प्रणालीमा पर्छ । डलरसँग भारु जुन दरमा घटबढ हुन्छ त्यही अनुसार नेपाली मुद्राको पनि घटबढ हुने गर्छ ।
२०७५ मंसिर ९ गते प्रकाशित
वि.सं.२०७५ मंसिर ९ आइतवार ११:५८ मा प्रकाशित