काठमाडौं । लक्ष्मी बैंकको ८.५० प्रतिशत बोनस सेयरमा मूल्य समायोजन भएको छ । बोनसपछि यसको सेयर भाउ प्रतिकित्ता २०२ रुपैयाँ ७६ पैसा कायम भएको छ । सोमबार लक्ष्मीको सेयर कारोबार सोही मूल्यलाई आधार मानेर खुलेको छ । यसको औसत आधार मूल्य भने २७९ रुपैयाँ ३८ पैसा रहेको छ ।
लक्ष्मीले माघ २८ गते हुने वार्षिक साधारण सभामा ८.५० प्रतिशत बोनस सेयर र कर तिर्न ०.४५ प्रतिशत नगद लाभांश दिने प्रस्ताव लैजाँदैछ । बैंकले साधारण सभाका लागि सोमबारदेखि बुक क्लोज गरेको हो । बैंकले लाभांशका साथै अन्य बैंक तथा वित्तीय संस्थासँग मर्जर वा एक्विजिसन प्रक्रियामा जानुपरेमा त्यसको सम्पूर्ण अधिकार सञ्चालक समितिलाई दिने प्रस्ताव पनि पेश गर्नेछ ।
लक्ष्मी बैंकको हाल चुक्ता पुँजी ८ अर्ब २२ करोड १६ लाख ६७ हजार रुपैयाँ छ । ८.५० प्रतिशत बोनस वितरणपछि पुँजी ८ अर्ब ९२ करोड ५ लाख ८ हजार रुपैयाँ पुग्नेछ ।
२०७५ माघ १४ गते प्रकाशित
वि.सं.२०७५ माघ १४ सोमवार ११:४७ मा प्रकाशित