काठमाडौ । चन्द्रागीरी नगरपालीका कोल्हवी–५ मा कृषि विकास बैंक लिमिटेडको शाखा कार्यालयको खुलेको छ । चन्द्रागिरी नगरपालीकाका मेयर घनश्याम गीरी, बैंक सञ्चालक समितिका अध्यक्ष क्षेत्रबहादुर सेंजुवाल, बैंकका प्रमुख कार्यकारी अधिकृत अनिल कुमार उपाध्यायबाट संयुक्त रुपमा औपचारिक समुदघाटन भयो । कृषि विकास बैंकले प्रदान गर्ने सेवा सुविधा तथा बैंकको प्रोडक्ट ( एटिएम कार्ड, भिसा कार्ड, आईपिएस, मोवाईल बैकिङ्ग, इन्टरनेट बैकिङ्ग, आस्वा सुविधा, डिम्याट सुविधा)का बारेमा प्रमुख कार्यकारी अधिकृत अनिलकुमार उपाध्यायले प्रकाश पार्नु भयो ।
कार्यक्रमका प्रमुख अतिथी तथा चन्द्रागिरी नगरपालीकाका मेयर घनश्याम गिरीले विकासको मुख्य साधन सरकारी संस्थाहरु भएको सन्र्दभमा कृषि विकास बैंक पनि एक सरकारी बैंक भएकोले सम्पूर्ण स्थानीय जनताहरुले सानो भन्दा सानो रकम कृषि विकास बैंकमा निक्षेपको रुपमा जम्मा गर्नु पर्नेमा जोड दिनुभयो । बैंक संचालक समितिका अध्यक्ष क्षेत्रबहादुर सेंजुवालले बैंकलाई दुख सुखको साथीको रुपमा हेर्न आग्रह समेत गर्नु भयो ।
२०७५ फागुन ५ गते प्रकाशित
वि.सं.२०७५ फागुन ५ आइतवार १२:५१ मा प्रकाशित
