काठमाडौं । वार्षिक १०.२५% ब्याज पाइने गरी माछापुच्छ्रे बैंकले साउन ६ गतेदेखि ३० लाख इकाई ऋणपत्र निष्कासन गर्ने भएको छ । निप्कासन गर्ने ३० लाख ऋणपत्र मध्ये १२ लाख इकाई सर्वसाधारणका लागि खुला गरिनेछ । बाँकी १८ लाख इकाई बैंकको आफ्नै पहलमा अन्य संघसंस्थालाई बिक्री हुनेछ ।
माछापुच्छ्रेले १० वर्ष अवधिको ‘१०.२५% माछापुच्छ्रे डिबेन्चर २०८५’ नाममा ऋणपत्र जारी गर्न लागेको हो । रेटिङ एजेन्सी इक्रा नेपालले यो ऋणपत्रलाई पर्याप्त कर्जा सुरक्षा जनाउने ‘एलए माइनस रेटिङ’ दिएको छ । यसमा बिक्री प्रबन्धकको काम एनएमबि क्यापिटलले गर्दैछ । लगानीकर्ताले साउन ९ गतेसम्म यसमा आवेदन दिन पाउनेछन् । उक्त अवधिमा सबै ऋणपत्र बिक्री नभएमा भदौ ३ गतेसम्म आवेदन दिन पाइनेछ ।
माछापुच्छ्रेको ऋणपत्रमा प्रतिइकाई १ हजार रुपैयाँको दरले आवेदन दिनुपर्नेछ । न्यूनतम २५ कित्तादेखि अधिकतम ११ लाख ७० हजार कित्तासम्म भर्न पाइनेछ । यस ऋणपत्रमा सी–आस्वाको माध्यमबाट आवेदन दिन सकिनेछ ।
२०७६ असार २९ गते प्रकाशित
वि.सं.२०७६ असार २९ आइतवार ११:०१ मा प्रकाशित
