काठमाडौं । मानुषी लघुवित्त वित्तीय संस्थाले गत आर्थिक वर्षको चौथो त्रैमासमा १ करोड २७ लाख ३८ हजार रुपैयाँ खुद नाफा कमाएको आर्जन गरेको छ ।
यो नाफा अघिल्लो वर्षको भन्दा ३१.१५प्रतिशत धेरै हो । गत वर्ष मानुषीले ९७ लाख १२ हजार रुपैयाँ खुद नाफा कमाकको थियो । मानुषीले खुद ब्याज आम्दानी पनि ३ करोड ६१ लाख रुपैयाँबाट बढाएर ५ करोड ८७ लाख पुर्याएको छ ।
कम्पनीले यो त्रैमाससम्म ४६ करोड ३५ लाख रुपैयाँ निक्षेप संकलन गरी ८१ करोड ८५ लाख रुपैयाँ कर्जा प्रवाह गरेको छ । हाल मानुषीको चुक्ता पुँजी ७ करोड रुपैयाँ रहेको छ भने रिजर्भ कोषमा ४ करोड १२ लाख रुपैयाँ छ । यसको खराब कर्जा १.३८ प्रतिशत रहेको छ ।
कस्ट अफ फन्ड ९.३६ प्रतिशत रहेको कम्पनीको कर्जा निक्षेप अनुपात १७६.५९ प्रतिशत छ । मानुषीले १०० प्रतिशत हकप्रद ल्याउने तयारी गरेको छ । हकप्रद बिक्रीपछि चुक्ता पुँजी १४ करोड रुपैयाँ पुग्नेछ ।
२०७६ साउन २२ गते प्रकाशित
वि.सं.२०७६ साउन २२ बुधवार ०७:४५ मा प्रकाशित