काठमाडौं । लक्ष्मी बैंकले गत आर्थिक वर्ष २०७५/७६ को चौथो त्रैमाससम्म आइपुग्दा १ अर्ब ५७ करोड ६० लाख रुपैयाँ खुद नाफा कमाएको छ ।
यो अघिल्लो वर्षको यसै अवधिको तुलनमा ३३.४३ प्रतिशतले बढी हो । अघिल्लो वर्ष यसै अवधिमा बैंकले १ अर्ब १८ करोड १० लाख ९१ हजार रुपैयाँ कमाएको थियो ।
यता, यस अवधिमा वितरण योग्य नाफा १ अर्ब १५ करोड ६१ लाख ९० हजार रुपैयाँ रहेको छ बैंकको प्रतिसेयर आम्दानी ३ रुपैयाँ ३ पैसाले बढेर १७ रुपैयाँ ६७ पैसा पुगको छ ।
यस अवधिमा बैंकको प्रतिसेयर नेटवर्थ १ सय ४१ रुपैयाँ ६७ पैसा रहेको छ ।
२०७६ साउन २२ गते प्रकाशित
वि.सं.२०७६ साउन २२ बुधवार ०७:५७ मा प्रकाशित