महोत्तरी । महोत्तरीमा ५ लाख ७० हजार बरावरको ९५० किलो कालो मरिच प्रहरीले नियन्त्रणमा लिई जलेश्वर भन्सार कार्यालयमा बुझाएको छ ।
भारत निकासीको लागि मटिहानी नगरपालिका–८ का रहिम लहेरी, जवार दर्जी र हकीम दर्जीको घरमा लुकाई छिपाई राखिएको मरिच प्रहरीले गोप्य सूचनाको आधारमा छापामारी नियन्त्रणमा लिएको हो ।
३८ बोरामा रहेको कालो मरिच अवैध रुपमा भारत निकासी गर्न राखिएको अवस्थामा बरामद गरेको जिल्ला प्रहरी कार्यालय महोत्तरीले जनाएको छ ।
प्रहरीले लहेरीको घरबाट १० बोरामा २५० किलो, जवारको घरबाट ११ बोरामा ४५० किलो र हकिमको घरबाट ९ बोरामा २२५ किलो गरि जम्मा ३८ बोरामा ९५० किलो नियन्त्रणमा लिइएको हो ।
२०७६ साउन २३ गते प्रकाशित
वि.सं.२०७६ साउन २३ बिहीवार ०८:३१ मा प्रकाशित
