बारा । बाराको परवानीपुर गाउँपालिका ५ नौतनमा धर्मशाला निर्माण गर्दा अनियमितता भएको भन्दै विरोध गर्ने वडाध्यक्षसहित ७ जनालाई शनिबार प्रहरीले पक्राउ गरेको छ ।
अनियमितता भएको धर्मशाला प्रदेश २ का भौतिक पूर्वाधार विकास मन्त्री जितेन्द्र सोनलले गर्ने कार्यक्रममा विरोध गरेको भन्दै उनीहरुलाई पक्राउ गरिएको हो ।
गाउँपालिका अध्यक्ष हरिनारायण साहले जबरजस्ती धर्मशालाको उदघाटन गराउन खोजेपछि विरोध भएको थियो । मन्त्री सोनलले विरोधमा उत्रनेलाई पक्राउ गराएको स्थानीयको आरोप छ ।
विरोध गर्ने क्रममा तत्कालिन संघीय समाजवादी पार्टीबाट निर्वा्चित वडाअध्यक्ष रामेश्वर कलबार , अनेरास्ववियु क्रान्तिकारीका नेता बिबेक गुप्ता, हरिसन्कर गुप्ता र रुपेस गुप्ता पक्राउ परेका छन् ।
धर्मशाला निर्माणका लागि ६२ लाख छुट्याइएको थियो । आधा रकम पनि खर्च नगरि निर्माणमा व्यापक अनियमितता गरेको भन्दै स्थानीयले उद्घाटन गर्न नदिने अडान राखेका थिए ।
२०७६ साउन २५ गते प्रकाशित
वि.सं.२०७६ साउन २५ शनिवार १५:५२ मा प्रकाशित
