बारा। बाराको जितपुर सिमरा उपमहानगरपालिका–२२ रातो पुल नजिकै यात्रु बहाक बस दुर्घटना हुँदा २९ जना घाइते भएका छन् । हेटौँडाबाट वीरगञ्ज आउँदै गरेको ना ४ ख ८२५७ नम्बरको बस ओरालो बाटोमा अन्यिन्त्रित भई पल्टिदा दुर्घटना भएको इलाका प्रहरी कार्यालय सिमराका इन्चार्ज प्रहरी नायब उपरीक्षक गोविन्द पुरीले जानकारी दिए ।
‘बस अनियन्त्रित भएर भित्तामा ठोकिएपछि सडकमा पल्टिएको हो ।’ पुरीले भने, प्रारम्भिक अनुसन्धानमा ब्रेक फेल भएर दुर्घटना भएको पाइएको छ ।’
घाइतेमध्ये १६ जनाको अवस्था मध्यम रहेको र अन्य सामान्य रहेको पुरीले बताए । उनका अनुसार घाइतेमध्ये केहीको हेटौँडा अस्पताल र अन्यको चुरेहिल अस्पतालमा उपचार भैरहेको छ ।
२०७६ साउन २५ गते प्रकाशित
वि.सं.२०७६ साउन २५ शनिवार १५:५९ मा प्रकाशित
