काठमाडौं । प्रदेश ३ को सामाजिक विकास मन्त्रालयले शिक्षामा पहुँच बढाउने उद्देश्यले १० वटा सामुदायिक विद्यालयलाई गाडी खरिद गरेर हस्तान्तरण गर्ने भएको छ ।
गाडी खरिदका लागि मन्त्रालयले चालू आर्थिक वर्षमा दुई करोड ५० लाख रुपैयाँ छुट्याएको छ । सामाजिक विकासमन्त्री युवराज दुलालकाअनुसार विशेषगरी सामुदायिक विद्यालयमा अध्यनरत विद्यार्थी टाढाबाट हिँड्दै आउनुपर्ने बाध्यतालाई न्यूनीकरण गर्ने उद्देश्यले गाडी गर्ने योजना अघि सारिएको हो ।
आधा घण्टाभन्दा बढी समय हिँडेर विद्यालय पुग्नुपर्ने समस्या न्यूनीकरणका लागि प्रदेशका १० वटा सामुदायिक विद्यालयलाई गाडी उपलब्ध गराइने मन्त्री दुलालले बताए ।
चालू आर्थिक वर्षको बजेटमा प्राथमिकतामा राखेर बस खरिद प्रक्रिया अघि बढाइने दुलालले दाबी गरे ।
२०७६ साउन २६ गते प्रकाशित
वि.सं.२०७६ साउन २६ आइतवार ०९:४४ मा प्रकाशित
