काठमाडौं । पुँजी र्पुयाउन नसकेका नौवटा बिमा कम्पनीले आगामी तीन महिनाभित्र पुँजी पुर्याउने भएका छन । ती बिमा कम्पनीलाई समितिले किन पुँजी पु¥याउन नसकेको भनेर स्पष्टीकरणसमेत सोधेको थियो । जवाफमा बिमा कम्पनीले नयाँ वित्तीय प्रतिवेदन प्रणाली लागू भएकाले समस्या भएको बताएका थिए ।
अनुगमनका क्रममा ती बिमा कम्पनीहरूले आगामी तीन महिनाभित्र पुँजी पुर्याउने प्रतिबद्धता व्यक्त गरेको बिमा समितिका अध्यक्ष चिरञ्जीवी चापागाईंले बताए । तीन महिनाभित्र तोकिएको पुँजी पुर्याउने प्रतिबद्धता गरेका कारण आगामी बोर्ड बैठकको निर्णयअनुसार अघि बढ्ने अध्यक्ष चापागाईंको भनाइ छ ।
पुँजी पु¥याउन नसक्ने बिमा कम्पनीमा जीवनतर्फ सूर्य लाइफ, गुराँस लाइफ, प्राइम लाइफ र राष्ट्रिय बिमा संस्था छन् भने निर्जीवन बिमातर्फ लुम्बिनी जनरल इन्स्योरेन्स, प्रुडेन्सियल इन्स्योरेन्स, युनाइटेड, एनएलबी र राष्ट्रिय बिमा कम्पनीलगायतका ९ वटा कम्पनीले समितिले तोकेको चुक्ता पुँजी पु¥याउन सकेका छैनन् । अधिकांश बिमा कम्पनीले समितिले तोकेका चुक्ता पुँजी पु¥याइसकेका छन ।
त्यसैगरी, समितिले क्रस होल्डिङ भएका बिमा कम्पनीको मर्जर गराउने तयारी पनि थालेको छ । समितिले अहिले डाटा संकलन गर्ने काम गरिरहेको छ । समितिले खास गरी चुक्ता पुँजी वृद्धि गर्न नसकेका बिमा कम्पनी र क्रस होल्डिङ भएका बिमा कम्पनीको मर्जर गर्न मर्जरसम्बन्धी नीति ल्याएको थियो । तर, बिमा कम्पनीको संख्या बढी भएको तथा नियमन नै गर्न समस्या भएकालेसंख्या घटाउने उद्देश्यले मर्जर नीति नल्याएको अध्यक्ष चापागाईंले बताए ।
‘बंैकिङ क्षेत्रमा एकै प्रकृतिका कम्पनी धेरै भएकाले मर्जर आवश्यक भएजस्तो बिमा कम्पनीको न संख्या धेरै छन् न एकै प्रकृतिका काम गर्ने धेरै कम्पनी छन् त्यसैले बिमा क्षेत्रमा मर्जरको खासै आवश्यकता छैन,’ उनले बताए ।
समितिले जीवन बिमा कम्पनीलाई २ अर्ब र निर्जीवन बिमा कम्पनीलाई १ अर्ब रुपैयाँ चुक्ता पुँजी पु¥याउन निर्देशन दिएको थियो । यसअघि पनि बिमा कम्पनीको पुँजी वृद्धिका लागि समितिले दुईपटकसम्म समय थपेको थियो ।
हाल २० वटा निर्जीवन र १९ वटा जीवन गरी जम्मा ३९ वटा बिमा कम्पनी सञ्चालनमा छन् ।
२०७६ साउन २६ गते प्रकाशित
वि.सं.२०७६ साउन २६ आइतवार १४:२१ मा प्रकाशित
