काठमाडौं । मेगा बैंक नेपालले गत आर्थिक वर्ष २०७५/७६ को चौथो त्रैमाससम्म आइपुग्दा १ अर्ब ७१ करोड ९२ लाख ६९ हजार रुपैयाँ खुद नाफा कमाएको छ ।
यो अघिल्लो वर्षको यसै अवधिको तुलनामा ३०.५० प्रतिशतले बढी हो । अघिल्लो वर्षको यसै अवधिमा बैंकले १ अर्ब ३१ करोड ७३ लाख ५१ हजार रुपैयाँ खुद नाफा कमाएको थियो ।
गत आर्थिक वर्षको चौथो त्रैमाससम्म आइपुग्दा बैंकको खुद ब्याज आम्दानी ५९.९१ प्रतिशतले बढेर ३ अर्ब ७९ करोड ५६ लाख ७६ हजार रुपैयाँ पुगेको छ ।
मेगाको प्रतिसेयर आम्दानी भने १ रुपैयाँ ४६ पैसाले घटेर १६ रुपैयाँ ५५ पैसामा आएको छ । बैंकको प्रतिसेयर नेटवर्थ १३० रुपैयाँ ९३ पैसा रहेको छ ।
२०७६ साउन २९ गते प्रकाशित
वि.सं.२०७६ साउन २९ बुधवार ०९:०७ मा प्रकाशित
