काठमाडौं । सनराइज बैंकले अघिल्लो आर्थिक वर्षको तुलनामा गत आर्थिक वर्षमा अधिकांस सूचकमा सुधार सहितको वित्तीय विवरण सार्वजनिक गरेको छ ।
बैंकले गत असार मसान्तसम्म १ अर्ब ७० करोड ७० लाख रुपैयाँ खुद नाफा कमाएको छ । यो अघिल्लो आर्थिक वर्षको तुलनामा १५.५७ प्रतिशत बढी हो । अघिल्लो वर्ष यसै अवधिमा बैंकले १ अर्ब ४७ करोड ६९ लाख रुपैयाँ खुद नाफा कमाएको थियो । बैंकको वितरण योग्य नाफा १ अर्ब ११ करोड रुपैयाँ छ ।
हालसम्म बैंकको चुक्ता पुँजी ८ अर्ब १५ करोड २५ लाख रुपैयाँ रहेको छ ।बैंकको प्रतिसेयर आम्दानी पनि २ रुपैयाँ ८१ पैसाले बढेर १८ रुपैयाँ १३ पैसा भएको छ । सनराइजको प्रतिसेयर नेटवर्थ १५१ रुपैयाँ ४७ पैसा छ ।
२०७६ साउन २९ गते प्रकाशित
वि.सं.२०७६ साउन २९ बुधवार ०९:१४ मा प्रकाशित
