काठमाडौं । सिभिल लघुवित्त वित्तिय संस्थाको १००% हकप्रदमा सेञ्चुरी क्यापिटलले बिक्री प्रबन्धकको काम गर्ने भएको छ । १ः१ अनुपातमा हकप्रद जारी गर्न दुई संस्थाबीच सोमबार सहमतिपत्रमा हस्ताक्षर भएको हो ।
सिभिल लघुवित्तले ११ करोड ४१ लाख १४ हजार रुपैयाँको प्रतिसेयर १०० रुपैयाँ दरले ११ लाख ४१ हजार १४० कित्ता हकप्रद खुला गर्नेछ ।
सम्झौतामा सिभिल लघुवित्त वित्तिय संस्थाका तर्फबाट प्रमुख कार्यकारी अधिकृत बलराम पौडेल र सेञ्चुरी क्यापिटल मार्केट्सका प्रमुख कार्यकारी अधिकृत झविन्द्र खत्रीले हस्ताक्षर गर्नुभएको हो ।
हकप्रदपछि सिभिल लघुवित्तको चुक्ता पुँजी २२ करोड ८२ लाख रुपैयाँभन्दा बढी हुनेछ ।
वि.सं.२०७६ भदौ १७ मंगलवार ०९:१३ मा प्रकाशित
