काठमाडौं । चौतारी लघुवित्त वित्तीय संस्थाले १७.८९ प्रतिशत लाभांश दिने घोषणा गरेको छ । कम्पनीले २०७५/७६ को नाफाबाट ७५ बोनस सेयर र १०.८९ प्रतिशत नगद लाभांश दिने निर्णय गरेको हो ।
चौतारीको शुक्रबार बसेको सञ्चालक समिति बैठकले १ करोड ३० लाख २० हजार रुपैयाँ बराबरको बोनस सेयर वितरण गर्नेछ । त्यस्तै, २ करोड २ लाख ६४ हजार २१० रुपैयाँ नगद लाभांश बाँड्नेछ ।
नियामक राष्ट्र बैंक र आगामी साधारण सभाबाट अनुमोदन भएपछि लगानीकर्तालाई वितरण प्रक्रिया अघि बढाइने कम्पनीको भनाई छ । हाल चौतारी लघुवित्तको चुक्ता पुँजी १८ करोड ६० लाख रुपैयाँ रहेको छ । बोनस वितरणपछि पुँजी १९ करोड ९० लाख २० हजार रुपैयाँ पुग्नेछ ।
कम्पनीले गत आर्थिक वर्षको चौथो त्रैमासमा २ करोड ८२ लाख २४ हजार रुपैयाँ खुद नाफा कमाएको छ । प्रतिसेयर आम्दानी १५ रुपैयाँ १७ पैसा (वार्षिक) रहेको चौतारीको प्रतिसेयर नेटवर्थ भने १२३ रुपैयाँ २ पैसा छ ।
२०७६ भदौ २० गते प्रकाशित
वि.सं.२०७६ भदौ २० शुक्रवार १२:२६ मा प्रकाशित