काठमाडौं । उपचारका लागि सिंगापुर गएका प्रधानमन्त्री केपी शर्मा ओली स्वदेश फर्किनुभएको छ । प्रधानमन्त्री ओली आज शुक्रबार मध्यान्ह १२ बजे थाई एयरवेजको विमानबाट काठमाडौंस्थित त्रिभुवन अन्तर्राष्ट्रिय विमानस्थलमा अवतरण हुनुभएको हो ।
प्रधानमन्त्री ओलीलाई सभामुख कृष्णबहादुर महरा, उपप्रधानमन्त्री ईश्वर पोखरेललगायत मन्त्रीहरुले विमानस्थलमा स्वागत गर्नुभएको थियो ।
प्रधानमन्त्री ओली ५ भदौमा मृगौलासम्बन्धी एन्टिबडीको उपचार गर्न सिंगापुर जानुभएको थियो ।सिंगापुरस्थित नेसनल युनिभर्सिटी अस्पतालमा उपचार गरिएको हो ।
प्रधानमन्त्रीलाई भेट्न गएका सत्तारूढ दल नेकपाका नेताद्वय वामदेव गौतम र विष्णुप्रसाद पौडेल पनि सँगै फर्कनुभएको छ।
२०७६ भदौ २० गते प्रकाशित
वि.सं.२०७६ भदौ २० शुक्रवार १२:५३ मा प्रकाशित
