काठमाण्डौं । प्रदेश सरकारले गत वर्षको बजेटबाट झण्डै २० लाख खर्च गरी धामिझाँक्रिको खोज अध्ययन गरेको छ । प्रदेश नं सरकारले १४ वटै जिल्लाका गाउँघरमा परम्परागत विधिबाट उपचार गर्ने धामीझाँक्रीको अवस्था र उनीहरुले प्रयोग गरिरहेका जडीबुटीको तथ्यांक संकलन गरेको हो ।
धामिझाँक्रिको खोजिसँगै प्रदेशभित्रका जिल्लामा रहेका जडीबुटीको पनि अध्ययन प्रदेश सरकारले गरेको छ । जडिबुटीको उपलब्धता, आयुर्वेद चिकित्साको अवस्था र जनजातीले प्रयोग गर्ने वनस्पतिका अवस्थाको तथ्यांक पनि सरकारले संकलन गरेको हो।
धामीझाँक्रीको अवस्था बुझ्न र उनीहरुले औषधिका रुपमा प्रयोग गर्ने जडीबुटीको पहिचान, संरक्षण र व्यावसायिक खेतीका लागि यो अध्ययन गरिएको प्रदेशका सामाजिक विकासमन्त्री जीवन घिमिरेले बताएको कान्तिपुर दैनिकमा समाचार छ ।
२०७६ भदौ ०५ गते प्रकाशित
वि.सं.२०७६ असोज ५ आइतवार १२:४० मा प्रकाशित
