काठमाडौं । नेपाल राष्ट्र बैङ्कले खर्बौ रुपैयाँ बराबरको पुराना नोट जलाएर नष्ट गरेको छ । केन्द्रीय बैङ्कले ४ खर्ब ९४ अर्ब ७६ करोड ६९ लाख ९४ हजार ६२४ रुपैयाँ बराबरको पुराना नोटहरु जलाएर नष्ट गरेको हो ।
राष्ट्र बैङ्कले सर्वसाधारण, बैङ्क तथा वित्तीय संस्थाहरूबाट संकलन गरेका १ हजार, ५००, ५० र २० का गरि विभिन्न दरका पुराना, झुत्रा तथा मैला कागजी नोटहरु नष्ट गरेको हो ।
राष्ट्र बैङ्कका अनुसार गत आर्थिक वर्ष २०७५/७६ सम्ममा एक हजार दरका ५३ अर्ब २३ करोड २० लाख ३८ हजार, ५०० दरका १५ अर्ब ८० करोड २१ लाख २० हजार, २५० दरका ७ हजार ७५० रुपैँया १०० दरका ४ अर्ब १४ करोड ६३ लाख ३७ हजार ४०० रुपैयाँ पुरना, झुत्रा नोट नष्ट गरेको छ ।
त्यसैगरी, ५० दरका २ अर्ब २५ करोड २२ लाख २ हजार १५०, २५ दरका १ लाख ३६ हजार ८०० ,२० दरका ८४ करोड ९१ लाख २१ हजार १६०, १० का ४६ करोड ५७ लाख ३८ हजार २४०, ५ दरका २० करोड ९१ लाख ३९ हजार ८३५, २ का १ लाख ५३ हजार ८५० र १ दरका ३४ हजार २२ रुपैँया पूराना नोट जलाएको बैंकले जनाएको छ ।
गत आर्थिक वर्ष २०७४/०७५ मा राष्ट्र बैङ्कले ४ खर्ब १७ अर्ब ८० करोड रुपैँया जलाएर नष्ट गरेको थियो ।
२०७६ असोज ०७ गते प्रकाशित
वि.सं.२०७६ असोज ७ मंगलवार ०८:३६ मा प्रकाशित