काठमाडौं । स्थायी शिक्षक बन्न शिक्षक सेवा आयोगले लिने विषयगतसहित दुुई सय पुर्णाङ्कको परीक्षा उत्तिर्ण गर्नुपर्ने भएको छ ।
शिक्षा,विज्ञान तथा प्रविधि मन्त्रालयले आयोगको नियमावलीमा २० औँ संशोधन गरेर सामान्य र विषयगत गरि दुई सय पुर्णाङ्कको परीक्षा पास गर्नुपर्ने व्यवस्था गरेको हो ।
एक सय पुर्णाङ्कको सामान्य परिक्षा उत्तिर्ण गरेपछि मात्रै एक सय पुर्णाङ्कको विषयगत परीक्षामा सहभागी हुन पाइने नियमावलीको संशोधनमा उल्लेख छ ।
यसअघि स्थायी शिक्षक बन्न एक सय पुर्णाङ्कको परीक्षामात्र लिइन्थ्यो । दुई चरणको परीक्षामा सफल उम्मेदवारले मात्र २५ पुर्णाङ्कको अन्तर्वार्तामा सहभागी हुन पाउने शिक्षा मन्त्रालयले जनाएको छ ।
लोकसेवाले स्थायी कर्मचारी नियुक्ति गर्ने विभिन्न चरणमा परीक्षा सञ्चालन गर्छ । सक्षम शिक्षक छनोटका लागि सामान्य र विषयगत गरी दुई चरणमा परीक्षा सञ्चालन गर्न लागिएको मन्त्रालयले जानकारी दिएको छ ।
नियमावली स्वीकृत भएसकेकाले स्थायी शिक्षक छनोटका लागि लिइने आगामी परीक्षा २ सय पुर्णाङ्कको हुने आयोगले जनाएको छ । नियमावली संसोधनमा स्थायी शिक्षकको कार्यसम्पादन मुल्याकन गर्न प्रावधान पनि परिर्वतन गरिएको छ ।
जिल्ला शिक्षा कार्यालयमार्फत जिल्ला शिक्षा अधिकारीहरुले स्थायी शिक्षकको बढुवालगायत आन्तरिक मुल्यांकन गर्दै आएको थिए ।
संविधानले विद्यालय शिक्षाको जिम्मेवारी स्थानीय तहलाई दिएपछि स्थानीय शिक्षा विभागमार्फत नै शिक्षकको कार्यसम्पादन मुल्यांकन गर्ने प्रवन्ध गरिएको छ ।
विभागले गरेको आन्तरिक मुल्यांकन शिक्षा विकास तथा समन्वय इकाई हुँदै आयोगसम्म आइपुग्ने व्यवस्था संशोधित नियमावली गरिएको छ ।
२०७६ असोज २७ गते प्रकाशित
वि.सं.२०७६ असोज २७ सोमवार १७:२८ मा प्रकाशित
