काठमाडौं । यो साता नेपाल स्टक एक्सचेन्ज (नेप्से) मा ११ दशमलव ३३ अंकको सुधार देखिएको छ । सातामा कारोबारको पहिलो दिन १ हजार १ सय ३८ दशमलव ०१ को बिन्दूमा रहेको नेप्से परिसूचक बिहीबारसम्म आइपुग्दा १ हजार १ सय ४९ दशमलव ३४ अंक कायम भएको छ ।
बिहीबार १ सय ५५ वटा कम्पनीको १२ लाख ४ हजार कित्ता सेयर ४ हजार ४ सय ४२ पटक खरिद/बिक्री हुँदा ३२ करोड ७६ लाख ३२ हजार २ सय ५८ रुपैयाँ बराबरको कारोबार भएको छ । बिहीबार भएको कारोबार रकम यो साताका अन्य दिनको तुलनामा सबैभन्दा बढी हो ।
बिहीबार निर्जीवन बिमा समितिको उपसूचक ८ दशमलव १४ अंकले घटेको छ भने बाँकी सबै समूहको उपसूचक बढेको छ । सबैभन्दा धेरै बिमा समितिको उपसूचक २१ दशमलव ५१ अंकले बढेको छ ।
नेप्सेका अनुसार बिहीबार मेगा बैंक लिमिटेडको सबैभन्दा धेरै ७ करोड ११ लाख ३ हजार ५ सय रुपैयाँ बराबरको कारोबार भएको छ ।
सबैभन्दा धेरै कमाउनेमा अरुण भ्याली हाइड्रोपावर डेभलपमेन्ट कम्पनी लिमिटेडका लगानीकर्ताले सबैभन्दा धेरै ८ दशमलव ३३ प्रतिशतका दरले कमाए भने सबैभन्दा धेरै गुमाउनेमा अरुण काबेली पावर लिमिटेडका लगानीकर्ताले प्रतिकित्ता ५ दशमलव ७९ प्रतिशतका दरले गुमाएका छन ।
२०७६ कात्तिक ०७ गते प्रकाशित
वि.सं.२०७६ कात्तिक ७ बिहीवार १५:३८ मा प्रकाशित