काठमाडौं । १४ वर्षसम्म उत्पादन नभएको बजाजको चेतक स्कुटर फेरी बजारमा आउने भएको छ । उत्पादन बन्द भएको १४ वर्षपछि विद्युतिय स्कुटरको रुपमा चेतकलाई रिलन्च गर्न लागिएको भारतीय संचार माध्यमहरुले जनाएका छन ।
यो स्कुटर २ ओटा भेरियन्टमा उपलब्ध हुनेछ । इको भेरियन्टको स्कुटरले ९५ किलोमिटर र स्र्पोट भेरियन्टले ८५ किलोमिटर माइलेज प्रदान गर्ने एजेन्सीले जनाएको छ । चेतक स्कुटर ६ ओटा रङ्गमा उपलब्ध हुनेछ ।
बजाज चेतक इलेक्ट्रीक स्कुटर २०२० को जनावरीमा सार्वजनिक हुने बताइएको छ । यसका फिचर्स र मूल्य हालसम्म सार्वजनिक भईसकेको छैन। बजाज अटोले १९७२ मा पहिलो पटक सार्वजनिक गरेको चेतकको २००६मा उत्पादन बन्द गरेको थियो ।
यो पनि पढ्नुहोस् किन्ने होइन त बजाजका मोटरसाइकल ? यस्तो छ नयाँ मूल्य
२०७६ कात्तिक १४ गते प्रकाशित
वि.सं.२०७६ कात्तिक १४ बिहीवार १३:४६ मा प्रकाशित