काठमाडौं । युनाइटेड इन्सुरेन्सको मंगलबार (मंसिर १० गते) बाट ४ लाख ९९ हजार १९२.६० कित्ता सेयर लिलामीमा आउने भएको छ ।
यसमा १ लाख ५७ हजार ६४९.६० कित्ता संस्थापक र ३ लाख ४१ ह्जार ५४३ कित्ता सेयर सर्वसाधरण समूहको छ । कम्पनीले २४०५ हकप्रद सेयर जारी गर्दा सबै बिक्री नभएपछि त्यसलाई लिलामी प्रक्रियाबाट बिक्री गर्न लागेको हो । यसमा मंसिर १७ गतेसम्म आवेदन दिन पाइने छ ।
कम्पनीले गत भदौ ३ गतेदेखि असोज २३ गतेसम्म ७२ लाख ५७ हजार ६०० कित्ता हकप्रद सेयर बिक्री गरेको थियो । यसमा न्यूनतम अंकित मूल्य १ सय रुपैयाँ तोकिएको छ ।
लगानीकर्ताले न्यूनतम १ सय रुपैयाँलाई आधार मानेर बोलकबोल गर्नुपर्छ । यसमा एनएमबि क्यापिटल नागपोखरी काठमाडौंबाट आवेदन दिन सकिनेछ ।
त्यसैगरी एनएमबि बैंकको झापा, जनकपुर, चितवन, बाग्लुङ्ग, घोराही, सुर्खेत र महेनद्रनगरबाट पनि आवेदन दिन सकिनेछ । एनएमबिकै विराटनगर, वीरगञ्ज, हेटौडा, पोखरा, बुटवल, नेपालगञ्ज र धनगढी शाखाबाट पनि लिलामी सेयरमा आवेदन दिन सकिनेछ ।
२०७६ मंसिर ०९ गते प्रकाशित
वि.सं.२०७६ मंसिर ९ सोमवार १०:३१ मा प्रकाशित
