काठमाडौं । नेपाल स्टक एक्सचेन्जमा बुधबार २ वाणिज्य बैंक र १ इन्सुरेन्स गरी ३ कम्पनीको कुल २ करोड २५ लाख ४६ हजार १८४.७० कित्ता सेयर सूचीकरण गरिएको छ ।
जसमा २ वाणिज्य बैंकको बोनस र १ इन्सुरेन्स कम्पनीको हकप्रद सेयर रहेको छ । सबैभन्दा धेरै सूर्या लाइफ इन्सुरेन्सको ८८ लाख ७४ हजार ९६ कित्ता हकप्रद सेयर नेप्सेमा सूचीकरण भएको छ ।
सूर्याले गत भदौ ८ गतेदेखि असोज १२ गतेसम्म ७० प्रतिशत हकप्रद सेयर बिक्री गरेको थियो । सोही सेयर सूचीकृत गरिएको हो ।
यसैगरी, एनआइसी एसिया बैंकको ८८ लाख ३४ हजार २२८.२७ कित्ता र बैंक अफ काठमान्डूको ४८ लाख ३७ हजार ८६० कित्ता बोनस सेयर पनि नेप्सेमा सूचीकृत भएको छ ।
यी दुवै बैंकले गत आर्थिक वर्षको नाफाबाट क्रमशः १० प्रतिशत र ६ प्रतिशत बोनस सेयर वितरण गरेको थिए । सोही सेयर अहिले सूचीकरण गरिएको हो ।
२०७६ पुस ०२ गते प्रकाशित
वि.सं.२०७६ पुस २ बुधवार १८:४५ मा प्रकाशित
