काठमाडौं । नयाँ नेपाल लघुवित्त वित्तीय सस्ंथाको २० प्रतिशत बोनस सेयरपछिको मूल्य समायोजन भएको छ । समायोजन गरेर नेप्सेले भाउ ५० प्रतिशत रुपैयाँ तोकेको छ । अब यसैलाई आधार मानेर बिहीबारको कारोबार खुलेको छ ।
यस लघुवित्तले गत वर्षको नाफाबाट २० प्रतिशत बोनस सेयर र कर प्रयोजनका लागि १.०५ प्रतिशत नगद लाभांश वितरण गर्दैछ । उक्त लाभांश र साधारण सभाका लागि कम्पनीले आज (पुस ३ गते) देखि बुक क्लोज गरेको हो ।
पुस २ गतेसम्म सेयर खरिद गर्ने लगानीकर्ताले लाभांश पाउनेछन् । नयाँ नेपालले पुस १९ गते सभा बोलाएको छ । सभा होटल जुगल, मिरावल चोक, धुलिखेलमा बिहान ११ बजे सुरु हुनेछ ।
त्यसैगरी, सभामा लघुवित्तले गाभ्ने वा गाभिने निर्णय गरेपश्चात कायम हुने चुक्ता पुँजीको शतप्रतिशत हकप्रद सेयर निष्कासन गर्ने प्रस्ताव पनि पेश गर्नेछ ।
संस्थाले चालु आर्थिक वर्षको पहिलो त्रैमासमा ४२ लाख ३५ हजार रुपैयाँ खुद नाफा कमाएको छ । यसअवधिमा यसको प्रतिसेयर आम्दानी २० रुपैयाँ १६ पैसा (वार्षिक) र प्रतिसेयर नेटवर्थ १५७ रुपैयाँ ५० पैसा छ ।
२०७६ पुस ०३ गते प्रकाशित
वि.सं.२०७६ पुस ३ बिहीवार ११:१६ मा प्रकाशित