काठमाडौं । पूर्व सभामुख कृष्णबहादुर महराको पुनरावेदन रीटमाथि उच्च अदालत पाटनमा आज सुनुवाई हुँदैछ । जिल्ला अदालत काठमाडौंको आदेश खारेजीको माग राख्दै महराले पुनरावेदन दिएका थिए ।.
महराको पुनरावेदनपछि उच्च अदालतले अनुसन्धान देखि थुनामा राख्न दिइएको आदेशको विवरण माग गरेको थियो ।जिल्ला अदालतबाट विवरण प्राप्त भए पछि मुख्य न्यायाधीश नहकुल सुवेदी र न्यायाधीश टेकनारायण कुँवरको इजलासले महराको पुनरावेदनको सुनुवाई गर्दैछ ।
जिल्ला अदालत काठमाडौंले प्राप्त अनुसन्धान प्रतिवेदनका आधारमा पुपुक्षका लागि थुनामा राख्न आदेश दिएको थियो । महरालाई संसद सचिवालयकै एक महिला कर्मचारीलाई बलात्कार प्रयासको आरोपमा थुनामा राखिएको छ ।
१२ असोज राति महराले ती महिला कर्मचारीलाई बलात्कार प्रसास गरेको आरोप लागेपछि १४ असोजमा सभामुखबाट राजीनामा दिएका थिए । तर, महराले भने आफूमाथि लागेको आरोप अस्वीकार गर्दै आएका छन् ।
२०७६ पुस ०३ गते प्रकाशित
वि.सं.२०७६ पुस ३ बिहीवार ११:५६ मा प्रकाशित