काठमाडौं । गण्डकी विकास बैंकले १२औं साधारण सभा पुस २९ गते बोलाएको छ । बैंकले बिहान ९ बजे होटल पोखरा ग्राण्ड, पोखरामा सभा बोलाएको हो । बैंकको पुस ७ गते बसको सञ्चालक समितिको बैठकले साधारण सभा गर्ने निर्णय गरेको हो ।
बैंकले शेयरधनीको लागि चुक्तापूँजीको १७ दशमलव ३२ प्रतिशत नगद लाभांश (कर सहित) वितरणको लागि प्रस्ताव पारित गर्नेछ । साथै, यस बैंकलाई मेगा बैंकले प्राप्ति गर्न लागेकाले सो सम्बन्धी एमओयूको जानकारी गराउने भएको छ ।
यस बैंकलाई मेगा बैंकले प्राप्ति गर्ने प्रक्रिया आगाडी बढाएकाले बैंकको कारोबार असोज ९ गतेदेखि बन्द रहेको छ । आसोज ८ गतेसम्म नेप्सेमा कारोबार भई पुस १५ गतेसम्मका कायम शेयरधनीहरुले मात्र सभामा भाग लिन तथा लाभांश प्राप्त गर्न सक्नेछन् ।
२०७६ पुस ०८ गते प्रकाशित
वि.सं.२०७६ पुस ८ मंगलवार १२:५७ मा प्रकाशित
