काठमाडौं । नेप्से साताको अन्तिम कारोबार दिन आज (बिहीबार) ३.२९ अङ्कले ओरालो लागेको छ । आज होटल समूहको सूचक सबैभन्दा बढी ७२.९९ अङ्कले घटन पुग्यो।
साथै, जीवन बिमा कम्पनी समूहको सूचक पनि ४८.८४ अङ्कले ओरालो लाग्न पुग्योे। उक्त दिन कूल १२ समूह मध्ये ३ समूहको (जलविद्युत, उत्पादन तथा प्रशोधन र माइक्रोफाइनान्स) सूचक बढेको छ भने ९ समूहको सूचक घट्न पुग्यो। नेप्से घटेर ११६६.२१ अङ्कमा आइपुगेको छ ।
उक्त दिन ५३ करोड २२ लाख ११ हजार रुपैयाँ बराबरको सेयर किनबेच भयो । उक्त दिन शिवम् सिमेन्टको सेयर सबैभन्दा बढी ९ करोड २१ लाख रुपैयाँ बराबरको सेयर कारोबार भएको छ ।
दोस्रो बढी रकमको कारोबार नेपाल लाइफ इन्स्योरेन्सको सेयर भएको छ। उक्त इन्स्योरेन्सको ३ करोड ११ लाख रुपैयाँ बराबरको सेयर कारोबार भएको छ ।
तेस्रो बढी कारोबार हुनेमा प्रभु बैंकको संस्थापक सेयर रहेको छ। उक्त बैंकको २ करोड ३५ लाख रुपैयाँ बराबरको संस्थापक सेयर कारोबार भएको छ ।
२०७६ पुस १७ गते प्रकाशित
वि.सं.२०७६ पुस १७ बिहीवार १६:१४ मा प्रकाशित
