काठमाडौं । साताको तेस्रो दिन पनि सेयर बजार बढेको छ । मंगलबार सेयर बजार १६ अंक बढेर नेप्से परिसूचक १ हजार २१६ अंकमा पुगेको छ । आइतबार १६ र सोमबार १८ अंकले गरी ३ दिनमा सेयर बजार ५० अंक बढेको छ ।
बजार बढेसंगै कारोबार रकममा पनि वृद्धि भएको छ । मंगलबार १ अर्ब १० करोड २७ लाख रुपैयाँ बराबरको ३८ लाख ८० हजार ९५० कित्ता सेयर किनबेच भएको छ ।
मंगलबार माछापुच्छ्रे बैंकको सबैभन्दा बढी सेयर कारोबार भएको छ । माछापुच्छ्रेको प्रतिकित्ता २३० रुपैयाँमा १९ करोड ४९ लाख १३ हजार रुपैयाँको सेयर किनबेच भएको छ ।
यस्तै एनआईसी एसिया बैंकको प्रतिकित्ता ४३८ रुपैयाँमा ६ करोड ४८ लाख र प्रभु बैंकको २३८ रुपैयाँमा ४ करोड २० लाख १२ हजार रुपैयाँको सेयर किनबेच भएको छ ।
होटल र उत्पादनमुलक समूह बाहेक बैंक तथा वित्त, बीमा, होटल र जलविद्युत लगायत सबै परिसूचकको सेयर मूल्य बढेको छ । सिभिल लघुवित्त, ओमी लघुवित्त र सेन्ट्रल फाइनान्सका लगानीकर्ताले कमाएका छन ।
२०७६ पुस २२ गते प्रकाशित
वि.सं.२०७६ पुस २२ मंगलवार १७:०९ मा प्रकाशित