काठमाडौं । कृषि विकास बैंकको १३ औं वार्षिक साधारण सभा बैंकको केन्द्रीय तालिम प्रतिष्ठान बोडे, भक्तपुरमा आइतवार सम्पन्न भएको छ ।
सभाले चुक्तापूँजीको २४ (कर सहित) प्रतिशत नगद लाभांश र ६ प्रतिशत बोनस शेयर वितरण गर्नेे प्रस्ताव समेत स्वीकृत गरेको छ ।
सो अवसरमा बैंक संचालक समितिका अध्यक्ष क्षेत्र बहादुर सेंजुवालले बैंकले मुलुकभरका २७४ ओटा शाखाहरुबाट आधुनिक बैकिंग सेवा र्पुयाउन सफल भएको चर्चा गर्दै नेपालका बाणिज्य बैंकहरु मध्ये सबैभन्दा बढी अधिकृत पूँजी भएको कम्पनी सवैको भरोसायोग्य रहेको बताए ।
यसैगरी बैंकका प्रमुख कार्यकारी अधिकृत अनिल कुमार उपाध्यायले शेयरधनीहरुले सभामा व्यक्त गरेका सुझावहरुलाई नियमानुसार कार्यन्वयन गर्दै जाने प्रतिवद्धता समेत व्यक्त गरे ।
सभामा शेयरधनीहरुले आगामी दिनमा शेयरधनीलाई उच्च प्रतिफल दिन बैंकले विशेष ध्यान दिन आग्रह गरेका थिए ।
२०७६ पुस २७ गते प्रकाशित
वि.सं.२०७६ पुस २७ आइतवार १४:४१ मा प्रकाशित
