काठमाडौं । माछापुच्छ्रे बैंकले साना किसानहरुलाई कृषि ब्यवसायका लागि आवश्यक पर्ने चालु पुँजी दिन माछापुच्छे किसान कार्ड सेवा सञ्चालनमा ल्याएको छ ।
बैंकले यूकेएड सक्षम एक्सेस टु फाईनान्स प्रोग्राम र हेफर ईन्टरनेशनल नेपालसंगको सहकार्यमा विभिन्न १४ जिल्लाका किसानलाई प्रदान हुने गरी कार्यक्रम सञ्चालनमा ल्याएको हो ।
उक्त किसान कार्ड अन्तर्गत किसानहरुले ४ लाख रुपैयाँसम्मको कृषि कर्जा किसान कार्ड मार्फत लिन सक्ने भएका छन ।पहिलो चरणमा हेफर ईन्टरनेशनल नेपालसंग आवद्ध बाँके जिल्लाको खजुरा गाउँ पालिकामा अवस्थित साझा फुलबारी उद्यमी महिला सहकारीका कृषकहरुलाई उक्त कार्ड दिएर सेवाको सुरुवात गरिएको छ ।
कृषि कर्जाको आवेदन तथा स्वीकृति प्रकिृया बैंकले के्रडिट स्कोरिङ मोडेलबाट सरल तरिकाले गर्नेछ । अब किसान कार्ड मार्फत कृषकहरुले बैंकको शाखारहित बैंकिङ्ग सेवा मार्फत आफ्नो कार्डमा उपलब्ध सीमा भित्र रहने गरी कारोबार पनि गर्न सक्ने भएका छन ।
बैंकले देशका विभिन्न ग्रामिण क्षेत्रमा रहेका साना किसानहरुलाई व्यवसायमा सहयोेग गरी आय आर्जनमा बढावा दिन तथा स्वरोजगारीको अवसर सृजनाका लागि उक्त किसान कार्ड सुविधा ल्याएको हो ।
२०७६ पुस २७ गते प्रकाशित
वि.सं.२०७६ पुस २७ आइतवार १४:२७ मा प्रकाशित