काठमाडौं । चालू आवको दोस्रो त्रैमास (पुस मसान्त) सम्ममा एनएमबि लघुवित्त वित्तीय संस्थाले रू. ४ करोड ९० लाख नाफा कमाएको छ ।
यो नाफा गत आवको दोस्रो त्रैमासको तुलनामा ३७५ प्रतिशतले वृद्धि भएको हो । सो अवधिमा कम्पनीले रू. १ करोड ३ लाख नाफा कमाएको थियो ।
चालू आवको पुस मसान्त सम्ममा कम्पनीले रू. २ करोड ८४ लाख खराब कर्जा उठाउन कम्पनीले व्यवस्थापन सफल भएकाले र सञ्चालन नाफामा वृद्धि भएकाले नाफा बढेको हो ।
कम्पनीको चुक्तापूँजी ३० प्रतिशतले बढेर रू. २१ करोड ६ लाख पुगेको छ । रिजर्भ कोषमा रू. १७ करोड ७५ लाख छुट्याएको हो । पुस मसान्त सम्ममा कम्पनीले रू. २ अर्ब ४७ करोड सापटी लिएको छ । सोही अवधिमा कम्पनीले रू. १ अर्ब ३१ करोड निक्षेप संकलन भएको छ भने रू. ३ अर्ब ४७ करोड कर्जा प्रवाह गरेको हो ।
प्रतिशेयर आम्दानी रू. ४६ दशमलव ६०, मूल्य आम्दानी अनुपात रू. १७ दशमलव १७, तरलता अनुपात १८ दशमलव ५४ प्रतिशत र प्रतिशेयर नेटवर्थ रू. १८३ दशमलव ५२ छ ।
पुस मसान्त सम्ममा कम्पनीले ५४ ओटा जिल्लामा १०० ओटा शाखा तथा उपशाखा कार्यालयहरु मार्फत १ लाख १ हजार ५१ विपन्न घरपरिवारमा लघुवित्त सेवा प्रदान गर्दै आएको छ । दोस्रो बजारमा बिहीवार कम्पनीको शेयर मूल्य प्रतिकित्ता रू. ८१३ मा कारोबार भएको थियो ।
२०७६ माघ ११ गते प्रकाशित
वि.सं.२०७६ माघ ११ शनिवार १३:१३ मा प्रकाशित
