काठमाडौं । राष्ट्रिय सभाको बैठक अनिश्चितकालका लागि स्थगित भएको छ। आज दिउँसो १ बजेका लागि बोलाइएको बैठक अर्को सूचना नआएसम्म स्थगित गर्ने निर्णय गरिएको राष्ट्रिय सभाका सचिव राजेन्द्र फुयाँलले जानकारी दिए।
कोरोना भाइरसको संभावित जोखिम न्यूनीकरणका लागि सतर्कता अपनाउँदै बैठक स्थगित गरिएको हो। सरकारले २५ जनाभन्दा धेरै मानिस भेला नहुन निर्देशन दिएपछि सांसदहरुले संसद बैठक पनि रोक्नुपर्ने माग गर्दै आएका थिए। प्रतिनिधिसभाको बैठक एक हप्ता पछि सारिएको छ ।
वि.सं.२०७६ चैत ७ शुक्रवार १०:४७ मा प्रकाशित