काठमाडौं । बेलायतमा कोरोना भाइरसको संक्रमणबाट थप एक नेपालीको मृत्यु भएको छ । साउथ इष्ट लण्डनमा बस्दै आएका ५८ वर्षीय लक्ष्मण श्रेष्ठको बुधवार बिहान लण्डनस्थित गाइज अस्पतालमा मृत्यु भएको हो ।
रुघाखोकी र पखाला लगायतका लक्षणहरु देखिएपछि मार्च ३१ मा अस्पताल भर्ना भएका श्रेष्ठलाई भेन्टिलेटरमा राखिएको थियो ।श्रेष्ठ लण्डनको ओलम्पिक पार्कमा ‘रेस्क्यू ड्राइभर’का रुपमा कार्यरत थिए ।
कोरोनाका कारण हालसम्म बेलायतमा एक दर्जन नेपालीको मृत्यु भइसकेको छ । जसमध्ये अधिकांश भूतपूर्व गोर्खा नै छन्। बेलायतभरमा सयौं नेपाली संक्रमित भएको आशंका छ । एक दर्जन भन्दा धेरै अस्पतालमै भर्ना भएर उपचार गराइरहेका छन् ।
वि.सं.२०७७ वैशाख ४ बिहीवार ०८:०३ मा प्रकाशित