काठमाडौं । विश्वभर महामारीको रुपमा देखापरेको कोरोनाभाइरसले हालसम्म २ लाख ३ हजार ४२ जनाको ज्यान गएको छ । विगत २४ घण्टामा मात्रै संक्रमणबाट ५ हजार ९ सय ४३ जनाको ज्यान गएको विश्व स्वास्थ्य संगठनको अध्यावधिमा जनाइएको छ ।
त्यस्तै ८६ हजार ७ सय ७४ जनामा संक्रमण देखिएको छ । हालसम्म संक्रमित हुनेको संख्या २९ लाख १५ हजार ६ सय रहेको पनि संगठनको अध्यावधिमा उल्लेख छ ।
छिमेकी देश भारतमा हलसम्म कोरोना संक्रमणबाट ८ सय २५ जनाको ज्यान गएको छ । त्यस्तै २६ हजार २ सय ८३ जनामा संक्रमण भएको छ । ५ हजार ९ सय ९३ जना उपचार पछि निको भएका छन् भने १९ हजार ५ सय १९ जना उपचारमा रहेका छन् ।
संयुक्त राज्य अमेरिकामा ५४ हजार २ सय ५६ जनाको कोरोनाभाइरस संक्रमणबाट मृत्यु भएको छ भने १ लाख १८ हजार १ सय ६२ जना निको भएर घर फर्किएका छन् । अमेरिकामा हालसम्म ९ लाख ६० हजार ६ सय ५१ जनामा संक्रमण भएको छ ।
इटलीमा २६ हजार ३ सय ८४ जनाको ज्यान गएको छ भने ६३ हजार १ सय २० जना निको भएर घर फर्किएका छन् । त्यस्तै हालसमम १ लाख ९५ हजार ३ सय ५१ जनामा संक्रमण देखिएको इटलीमा २ हजरा १ सय २ जना गम्भीर अवस्थामा उपचार गराइरहेका छन् । नेपालमा अहिलेसम्म ४९ जना संक्रमित भेटिएका छन् । त्यसमध्ये १२ जना निको भएर घर फर्किएका छन् ।
वि.सं.२०७७ वैशाख १४ आइतवार ०९:१० मा प्रकाशित
