काठमाडौं । भारतमा शनिबार एकै दिन १८ सय भन्दा धेरै कोरोना संक्रमित थपिएका छन्। शनिबार भारतमा १८ सय ३६ जना कोरोनाका नयाँ संक्रमित थपिएका वर्ल्डओमिटरले जनाएको छ।
अहिलेसम्म भारतमा ८ सय २५ जनाको कोरोना संक्रमणबाट मृत्यु भइसकेको छ। शनिबार मात्रै भारतमा यसको संक्रमणबाट ४५ जनाले ज्यान गुमाएका छन्। शुक्रबार त्यहाँ ५९ जनाले ज्यान गुमाएका थिए।
भारतमा अहिलेसम्म कोरोना संक्रमितको संख्या २६ हजार २ सय ८३ पुगेको छ। आइतबार बिहानसम्मको तथ्यांक अनुसार संक्रमितमध्ये ५ हजार ९ सय ३९ जना उपचारपछि निको भएका छन्।
भारतमा सबैभन्दा बढी महाराष्ट्रमा कोरोना संक्रमण फैलिएको छ। त्यसपछि राजधानी नयाँ दिल्ली कोरोना संक्रमणबाट प्रभावित छ।कोरोना संक्रमण नियन्त्रण गर्न भारतमा एक महिनादेखि लकडाउन छ। गत मार्च २५ देखि सुरु भएको लकडाउन मे ३ सम्म जारी रहने घोषणा सरकारले गरेको छ।
वि.सं.२०७७ वैशाख १४ आइतवार ०९:१४ मा प्रकाशित
