काठमाडौं । खाली कन्टेनरमा नेपाल भित्र्याउँदै गरेको अवस्थामा विराटनगर भन्सारबाट सशस्त्र प्रहरीले मंगलबार दिउँसो एक करोडभन्दा बढी भारतीय रुपैयाँ बरामद गरेको छ ।
नेपाल–भारत संयुक्त जाँच चौकी (आइसिपी) हुँदै नेपाल भित्र्याउँदै गरेको अवस्थामा एक करोड नौ लाख ७९ हजार पाँच सय भारतीय रुपैयाँ बरामद गरिएको भन्सार कार्यालयका प्रमुख शिवप्रसाद भण्डारीले जानकारी दिए।
‘डब्ल्युबी ७३ ई ७६३५ नम्बरको खाली कन्टेनर जाँच गर्ने क्रममा बोरामा हालेर लुकाएर ल्याइएको भारतीय रुपैयाँ बरामद भएको हो,’ भण्डारीले भने, ‘गुटकाको र ऱ्यापरमा लुकाएर ल्याएको अवस्थामा रकम बरामद गरेका हौँ ।’
रकमसँगे कन्टेनरका चालक र सहचालक भारतीय नागरिक पनि पक्राउ परेका छन्। उनीहरूको नाम भने प्रहरीले सार्वजनिक गरेको छैन। बरामद रुपैयाँको कसको हो भन्नेबारे अनुसन्धान भइरहेको सशस्त्र प्रहरीको कंकालिनी गणका एसपी नेत्र कार्कीले बताए।
वि.सं.२०७७ वैशाख २३ मंगलवार १६:२२ मा प्रकाशित