दार्चुला । किशोरी बलात्कार गरेको अभियोगमा प्रहरीले एक जनालाई पक्राउ गरेको छ । दुहु गाउँपालिका–४ का २९ वर्षीय गणेश सिंह लोत्थ्याललाई सोमबार दिउँसो प्रहरीले पक्राउ गरेको हो ।
गणेशले १६ वर्षीया किशोरीलाई व्यास नगरपालिका–४ को एक विद्यालयको कम्पाउण्डमा लगेर बलात्कार गरेको प्रहरीले जानकारी दिएको छ ।
किशोरी बलात्कृत भएको भन्ने खबर पाउनासाथ प्रहरी चौकी सुनसेराबाट खटिएको प्रहरीले उनलाई पक्राउ गरेको हो । घटनाका विषयमा आवश्यक अनुसन्धान भइरहेको प्रहरीले जनाएको छ ।
वि.सं.२०७७ वैशाख ३० मंगलवार १३:५२ मा प्रकाशित
