काठमाडौं । संस्कृति, पर्यटन तथा नागरिक उड्यनमन्त्री योगेश भट्टराईले सोमबार बसेको मन्त्रिपषिद् बैठकको निर्णयको सनसनी पूर्ण खुलासा गर्नु भएको छ ।
मन्त्रिपरिषद्को बैठकले लिम्पियाधुरासहितको भूमि समेटेर तयार पारिएको नेपालको नक्सा पारित गरेपछि मन्त्री भट्टराईले सामाजिक सञ्जाल फेशबुक मार्फत यस्तो बताउनुभएको हो ।
उहाँले सोमबारको निर्णय युग युगसम्म हाजिरी जवाफमा सोधिने प्रश्नका रुपमा अमर रहने पनि दाबी गर्नुभएको छ । उहाँले प्रधानमन्त्री केपी शर्मा ओलीलाई धन्यवाद पनि दिनुभएको छ ।
आफ्नो फेशबुक स्टाटस्मा मन्त्री भट्टराईले यस्तो लेख्नुभएको छ- “आज नेपाल सरकारको मन्त्रिपरिषदको निर्णय इतिहासको पन्नामा सुवर्ण अक्षरले त लेखिनेनै छ । आजको मिति र निर्णय युग युगसम्म हाजिरीजवाफमा सोधिने प्रश्नका रुपमा पनि अमर भईरहने छ । धन्यवाद प्रम केपी शर्मा ओली !”
वि.सं.२०७७ जेठ ५ सोमवार १९:५० मा प्रकाशित