रौतहट । रौतहटस्थित स्थानीय प्रशासनले औषधी पसल खाद्यान, अत्यावश्यक बाहेक सबै पसल बन्द गर्ने निर्णय गरेको छ ।
कोरानो भाइरसको संक्रमण दिन प्रतिदिन बढ्दै गएको र पसल खुल्न छुट दिँदा कुनै पनि नियमको पालना नभएको भन्दै सिडिओ बाशुदेव घिमिरेको अध्यक्षतामा बसकेको बैठकले उक्त निर्णय गरेको हो ।
निर्णय अनुसार औषधी पसल २४ औ घन्टा खुल्ने खाद्यान र अत्यावश्यक बस्तुको सामान बिहान १० देखी ५ बजे सम्म, बैंक तथा बितीय संस्था दैनिक बिहान ११ देखी २ बजे सम्म खुुल्ने छ ।
साथै सामाजिक दूरी, मास्कको अनिवार्य प्रयोग र प्रत्येक पसल तथा कार्यालय अगाडि साबुन पानी, सेनिटाइजर राख्नुु पर्ने जिल्ला प्रशासन कार्यालय रौतहटले जनाएको छ ।
वि.सं.२०७७ जेठ २५ आइतवार २१:४९ मा प्रकाशित