सर्लाही । सर्लाहीमा आज ७४ जना कोरोना संक्रमित थपिएका छन । यो सँगै सर्लाहीमा मात्र कोरोना संक्रमित हुनेको संख्या २ सय ४९ पुगेको छ । ७४ जना संक्रमित व्यक्तिहरु गोडैता, बलरा, बरहथवा र विष्णु गाउँपालिकाको रहेका छन् ।
सबैभन्दा बढि गोडैतामा ५४ जना, बरहथवा नगरपालिकामा ७ जना, बिष्णु गाउँपालिकामा ६ जना र बलरा नगरपालिकामा ५ जना गरी जम्मा ७४ जनामा एकैसाथ कोरोना संक्रमणको पुष्टि भएको सर्लाहीका प्रमुख जिल्ला अधिकारी मोहन बहादुर जिसीले जानकारी दिए ।
शनिवार मात्र रामनगर गाउँपालिकामा १३ जना, विष्णु गाउँपालिकामा ११ जना र ईश्वरपुर नगरपालिकामा ३ जना व्यक्तिहरुमा कोरोना संक्रमणको पुष्टि भएको प्रमुख जिल्ला अधिकारी जिसीले जानकारी दिए ।
आज भएको ७४ जना संक्रमितहरु भारतको विभिन्न ठाउँबाट आई सम्बन्धित स्थानिय तहकै क्वारेन्टाइनमा बसेको प्रमुख जिल्ला अधिकारी जिसीले बताए । यो सँगै सर्लाहीमा कोरोना संक्रमितको संख्याको २ सय ४९ पुगेको छ ।
वि.सं.२०७७ जेठ २५ आइतवार २१:५३ मा प्रकाशित