काठमाडौं । आजदेखि रेडियो र टिभीबाट स्कुल कक्षा सञ्चालन हुँदैछन् । कोरोना महामारीका कारण विद्यालयहरू खुलन नसकेपछि सरकारले असार १ गतेदेखि दूरशिक्षा कार्यक्रम सञ्चालन गर्ने निर्णय गरेको थियो ।
सोहीअनुसार शिक्षा मन्त्रालयले रेडियो र टेलिभिजनबाट विद्यार्थीका लागि पठनपाठन सञ्चालनको मोडालिटी बनाएको छ ।आजदेखि वैकल्पिक सिकाइ प्रविधि सञ्चालन हुन लागेकाले प्रधानमन्त्री केपी ओलीले शुभकामना सन्देश दिनुहुने भएको छ ।
अब केही बेर (बिहान १० बजेर ४० मिनेट)मा नेपाल टेलिभिजनबाट प्रधानमन्त्री ओलीले शुभकामना दिन लागेको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।
वि.सं.२०७७ असार १ सोमवार १०:२७ मा प्रकाशित