काठमाडौं । लक्ष्मी बैंकले ल्यापटप, कम्प्युटर तथा सम्बन्धित उपकरणहरुको खरिदका लागि पनि ऋण दिने भएको छ । बैंकले खरिद मूल्यको सत् प्रतिशतसम्म ऋण उपलब्ध गराउने छ।
यो ऋणको प्रक्रिया सुरु गर्न पैसा लाग्दैन। बैंकले अन्य कुनै किसिमको शुल्क पनि नलिने जनाएको छ। वार्षिक ब्याज दर भने १२ प्रतिशत निर्धारण गरिएको छ। बैंकले एसर, इप्सन, डेल तथा एप्पल ब्रान्डका ल्यापटप तथा डेस्कटप कम्प्युटर उपकरण खरिद गर्न बैंकले ऋण दिने छ।
कोभिड–१९ रोकथामका लागि अपनाइएको लकडाउनका कारण घरबाट काम गर्नुपर्ने नयाँ वातावरणको सिर्जना भएको सन्दर्भमा बैंकले ऋण दिने योजना ल्याएको हो ।
बैंकले हिंडडुलमा प्रतिबन्ध लगाइएको परिणामस्वरूप शैक्षिक संस्था तथा कार्यालयहरु बन्द भएको स्थितिमा विद्यालय तथा कलेजहरुमा अनलाइन कक्षा सञ्चालन गर्ने तथा व्यवसायी तथा कर्मचारीहरुले घरबाटै काम गर्ने अवधारणाको विकास भएको जनाएको छ । यही आवश्यकतालाई मध्यनजर गर्दै बैंकले ऋण योजना ल्याएको हो।
वि.सं.२०७७ असार ३ बुधवार ०८:०९ मा प्रकाशित