काठमाडौं । माछापुच्छ्रे बैंक लि. र कर्मचारी सञ्चय कोषबीच कर्मचारी सञ्चय कोषका ऋणीहरुले लिएको ऋणको सावा तथा ब्याज कनेक्ट आईपीएसमार्फत भुक्तान गर्नसक्ने गरी सम्झौता भएको छ ।
सम्झौतासँगै कर्मचारी सञ्चय कोषबाट कर्जा लिएका ऋणीहरूले सावाँ र ब्याजसहितको किस्ता रकम विद्युतीय माध्यमबाट भुक्तानी गर्नसक्ने भएका छन् ।
सम्झौतापत्रमा माछापुच्छ्रे बैंक लि.का नायब महाप्रबन्धक विश्वम्भर न्यौपाने तथा कर्मचारी सञ्चय कोषको तर्फबाट चिफ म्यानेजर अर्जुन कुमार गौतमले हस्ताक्षर गरेका छन् ।
अब जुनसुकै बैंक तथा वित्तीय संस्थाहरूमा खाता भएका कर्मचारी सञ्चय कोषका ऋणीहरूले कनेक्ट आइपीएस अनलाइन पोर्टलमा लग इन गरेपश्चात् गभरमेन्ट पेमेन्टअन्तर्गत कर्मचारी सञ्चयकोषको आइकनमा क्लिक गरी भुक्तानी प्रक्रिया सुरु गर्न सक्नेछन् ।
नयाँ व्यवस्था अनुसार बैंक नपुगीकन जुनसुकै ठाउँबाट विद्युतीय माध्यमबाट उक्त किस्ता रकम सजिलै भुक्तानी गर्न सकिनेछ ।
वि.सं.२०७७ साउन १२ सोमवार १५:४७ मा प्रकाशित
