काठमाडौं । उपत्यकामा थप ५३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार उपत्यकाका तीन जिल्लाका ५३ जनामा संक्रमण पुष्टि भएको हो ।
मन्त्रालयका प्रवक्ता डा जागेश्वर गौतमले राष्ट्रिय जनस्वास्थ्य प्रयोगशाला टेकुमा भक्तपुर १ र काठमाडौंका ११ जनामा संक्रमण पुष्टि भएको बताए । त्यसैगरी शुक्रराज ट्रपिकल तथा सरुवा रोग अस्पतालमा काठमाडौंका ९ जना र ललितपुरका १ जनामा संक्रमण देखिएको हो ।
पाटन अस्पतालमा गरिएको परीक्षणमा ललितपुरका १, त्रिवि शिक्षण अस्पतालमा काठमाडौंका १ स्टार अस्पतला सानेपामा गरिएको परीक्षणमा काठमाडौंका ६ र ललितपुरका २ जनामा संक्रमण पुष्टि भएको हो ।
मन्त्रालयका अनुसार नेपाल प्रहरी अस्पताल प्रयोगशाला महाराजगन्जमा गरिएको परीक्षणमा काठमाडौंका २१ जनामा कोरोना पुष्टि भएको छ । मन्त्रालयले मंगलबार गरेको मिडिया ब्रिफिङमा देशभर तीन सय ११ जनामा संक्रमण पुष्टि भएको जानकारी दिएको छ ।
वि.सं.२०७७ साउन १३ मंगलवार १६:३१ मा प्रकाशित
