काठमाडौं । कोरोना भाइरसको संक्रमण वृद्धि भएपछि आइतबारदेखि लागु हुने गरि दुई हप्ताको लागि उपत्यकामा ‘सटडाउन’ गर्ने निर्णय गरिएको छ । मानवीय गतिविधि र आवतजावतमा थप कडाइ गरिने भए पनि तत्काल लकडाउन भने नहुने निर्णय भएको छ।
उपत्यकाका काठमाडौं, भक्तपुर र ललितपुरका प्रमुख जिल्ला अधिकारीहरुसहितको शुक्रबार बसेको बैठकले अत्यावश्यकबाहेकका सरकारी कार्यालयहरु बन्द गर्ने निर्णय गरेको हो ।
कोरोना भाइरसको महामारी फैलिइरहेका बेला आइतबारदेखि लागू हुनेगरी उपत्यकामा ‘सटडाउन’ को निर्णय गरिएको सिडिओ पाण्डेले बताइन् ।यस अवधिमा संक्रमण बढी देखिएको क्षेत्रलाई भने सिल गर्ने निर्णय भएको पाण्डेले बताइन ।
बैठकले ‘सटडाउन’ अवधिभरमा अत्यावश्यक बाहेक सबै सार्वजनिक कार्यालयहरु बन्द गर्ने निर्णय गरेको छ । साथै सुरक्षा सावधानी नअपनाउनेलाई कडा कारबाही गर्ने तथा सवारी साधनमा लागू गरिएको जोरबिजोर प्रणालीलाई कडाईका साथ पालना गराउने पनि निर्णय भएको छ ।
वि.सं.२०७७ साउन २३ शुक्रवार १५:०९ मा प्रकाशित